Qazaqstandyq sýdıa Eýropa odaǵynyń ǵylym doktory atandy
ASTANA. QazAqparat - Joǵarǵy sottyń sýdıasy Aqyltaı Qasymov Varnen ýnıversıtetinde (Bolgarııa) zań ǵylymdarynyń doktory ǵylymı dárejesin alý úshin jazǵan «Qazaqstan Respýblıkasynyń qylmystyq-protsessýaldyq májbúrleý sharalary: teorııa jáne praktıka problemalary» taqyrybyndaǵy dıssertatsııasyn sátti qorǵap shyqty, dep habarlaıdy Qazaqstan Respýblıkasy Joǵarǵy sotynyń baspasóz qyzmeti.
«Ǵylymı alqanyń jeti múshesi - «Qylmystyq protsess» mamandyǵy boıynsha ǵylym doktorlarynyń biraýyzdan qabyldanǵan sheshimimen Qasymov Aqyltaı Ahmedjanulyna zań ǵylymdarynyń doktory ǵylymı dárejesin berý týraly sheshim qabyldandy», - delinedi habarlamada.
Dıplomnyń mártebesi Eýropa odaǵyna múshe memleketterdiń, Bolonııa bilim berý júıesin qabyldaǵan elder aýmaǵynda, sonyń ishinde Qazaqstanda moıyndalady. A. Qasymov sot júıesinde 32 jyldan beri jumys istep keledi. Túrli jyldary Jezqazǵan, Aqmola jáne Qaraǵandy oblystyq sottaryn, sondaı-aq Joǵarǵy sottyń azamattyq jáne qylmystyq ister jónindegi qadaǵalaý sot alqalaryn basqarǵan.
