Qazaqstandyq sý doby sheberleri Azııa chempıonatynyń kúmis júldegeri atandy
ALMATY. 26 qarasha. QazAqparat - Birikken Arab Ámirliginiń Dýbaı qalasynda 15-25 qarasha kúnderi aralyǵynda sý sporty túrlerinen ІH Azııa chempıonaty ótti.
Onda Qazaqstan quramasy sý dobynan erler arasynda da, áıelder arasynda da kúmis júldeger atandy. Endi olar qytaılyqtarmen birge 2013 jyly Brazılııada ótetin Álem chempıonatyna qatysatyn bolady.
Jalpy bıylǵy Azııa chempıonatynda sý dobynan erler arasynda - 9, áıelder arasynda 7 komanda qatysqan bolatyn. Onda Alan Balfanbaev baptaıtyn áıelder quramasy da aqtyq synda bıyl Olımpıada oıyndarynda besinshi, al 2011 jylǵy Álem chempınatynda kúmis júlde alǵan qytaılyqtardan 8:13 esebimen utyldy.
Al Sergeı Drozdov jattyqtyratyn jigitter aqtyq syndaǵy negizgi oıyn ýaqytynda 8:8 esebimen teń túsip, qarsylastaryna penaltıden ǵana utyldy.
