Qazaqstandyq sý doby sheberleri Álem chempıonatynda brazılııalyqtardan basym tústi
ALMATY. 24 shilde. QazAqparat - Sý dobynan Ispanııanyń Barselona qalasynda Sý sporty túrlerinen ótip jatqan Álem chempıonatynda Qazaqstannyń áıelder quramasy keshe alǵashqy jeńisine qol jetkizdi.
Jerlesterimiz Brazılııa quramasynan 9:5 (2:2 3:0 2:0 2:3) esebimen basym tústi. Buǵan deıin dúısenbi kúni olar ıtalıandyqtarǵa 9:7 (1:3 5:0 2:3 1:1), al brazılııalyqtar vengrııalyqtarǵa 20:6 (6:2 3:0 3:0 8:4) esebimen jeńilgen bolatyn.
Áıelder arasynda 1986 jyldan beri ótip kele jatqan bul dúbirli dodada 2011 jyly Qytaıdyń Shanhaı qalasynda bolǵan sońǵy Álem chempıonatynda Grekııa altyn, Qytaı kúmis, Reseı qola júlde oljalaǵan edi. Bıyl 15-shi ret jalaýyn kótergen bul básekede qazaqstandyqtardyń kelesi qarsylasy Vengrııa quramasy bolmaq. Olar keshe ıtalıandyqtardy 10:4 (3:1 3:1 3:1 1:1) esebimen jeńdi.
