Qazaqstandyq stýdenttiń ǵylymı jumysy Ábý-Dabıdegi halyqaralyq baıqaýda úzdik dep tanyldy
ÁBÝ-DABI. QazAqparat - Ábý Dabı qalasyndaǵy Munaı jáne gaz ýnıversıtetinde bilim alyp júrgen qazaqstandyq stýdent Sanat Aıdarbaev jyl saıyn «Abu Dhabi International Petroleum Conference» halyqaralyq munaı-gaz konferentsııasynyń aıasynda ótetin munaı jáne gaz geoǵylymy salasyndaǵy ǵylymı jumystarǵa arnalǵan baıqaýda ekinshi oryndy jeńip aldy.
Sertıfıkattar 10 maýsym kúni Injener munaıshylar qoǵamynyń (Society of Petroleum Engineers) jyl saıynǵy resmı jınalysynda saltanatty túrde tabys etildi. Baıqaýǵa 36 jasqa deıingi barlyǵy on toǵyz jas maman men stýdentter qatysty. Olardyń kóbi Taıaý Shyǵys elderinen kelgen. 2012 jyly qazaqstandyq stýdent Ábý Dabıdegi Munaı jáne gaz ınstıtýtynda magıstratýra dárejesi boıynsha bilim alý grantyn ıe bolǵan. Osy baıqaýda S.Aıdarbaev oqý kezinde magıstr dárejesin qorǵaý úshin jazǵan dıssertatsııalyq jumysynyń bóligindegi zertteýin tanystyrdy.
