Qazaqstandyq stýdentter úshin álemdik tsıfrlyq kitaphana qory qoljetimdi bolady
«Joǵary oqý oryndary tsıfrlyq ekojúıesi bar «Smart-ýnıversıtet» modeline kóshedi. Kitaphanalar men olardyń júıelerin tsıfrlyq transformatsııalaý, jalpy protseste ashyq bilim berý platformalaryn paıdalaný, bıznes-protsesterdi tsıfrlyq formatqa kóshirý basym mindetter bolady. Barlyq stýdentterge álemdik tsıfrlyq kitaphanalarǵa qoljetimdilik beriledi. Tsıfrlyq quzyretter barlyq bilim berý jáne kásiptik standarttardyń, sondaı-aq oqý-ádistemelik materıaldardy ázirleý kezinde oqytýshy-professorlyq quram úshin mindetti talap bolady», - dep jazylǵan qujatta.
Bul tujyrymdamany iske asyrý sheńberinde qol jetkiziletin nátıjeler men ár baǵyt boıynsha naqty ındıkatorlar kórsetilgen.
«Tujyrymdamadaǵy sharalardy iske asyrý sheteldik stýdentterdiń úlesin ulǵaıtýǵa, pedagogıkalyq zertteýler boıynsha sheteldik ǵylymı taǵylymdamadan ótken oqytýshy-professorlyq quram úlesin 15%-ǵa deıin arttyrýǵa, sondaı-aq bilim berý baǵdarlamalarynyń halyqaralyq akkredıtatsııasyn alýǵa múmkindik beredi. Sondaı-aq, 2026 jylǵa qaraı QS-WUR, TOP-200 reıtıngine Qazaqstannyń 2 joǵary oqý oryny enedi. Al JOO-larda oqıtyn stýdentterdiń jalpy sanynan shetel stýdentteriniń úlesi bıylǵy 5%-dan, 2026 jylǵa deıin 7%-ǵa ósedi. Buǵan qosa, aldaǵy úsh jylda halyqaralyq bilim berý baǵdarlamalaryn, sheteldik seriktestermen akademııalyq tájirıbe almasýlardy júzege asyratyn otandyq ýnıversıtetterdiń úlesin 50%-ǵa jetkizý kózdelip otyr», - delingen tujyrymdama aıasynda kútiletin nátıjeler týraly túsindirmede.
