Qazaqstandyq stýdentter Úrimjidegi fýtbol týrnırinde jeńimpaz boldy
BEIJІŃ-ÚRІMJІ. QazAqparat - 25 naýryzda QHR Shyńjań-Uıǵyr avtonomııalyq aýdanynyń Úrimji qalasynda mını-fýtboldan Qazaqstan, Qytaı jáne Qyrǵyzstannan barǵan 8 komandanyń arasynda halyqaralyq týrnır ótti, dep habarlaıdy «QazAqparat» HAA-nyń Qytaıdaǵy menshikti tilshisi.
Ony Úrimjidegi Qazaqstan Respýblıkasy SІM-niń tólqujat-vıza qyzmeti men Qyrǵyz Respýblıkasy SІM-niń vıza pýnktiniń qoldaýymen Qytaıdaǵy Qazaqstandyq stýdentter qaýymdastyǵynyń Shyńjań bólimi uıymdastyrdy.
Týrnırde Shyńjań jáne Shyńjań pedagogıkalyq ýnıversıtetteriniń qazaqstandyq stýdentterinen quralǵan komanda jeńimpaz boldy. Ekinshi jáne úshinshi oryndardy qyrǵyzstandyq jastar enshiledi.
