Qazaqstandyq stýdentter Shanhaıda QR Prezıdentiniń saılaýyn ótkizýge baılanysty bastamashyl top qurdy
BEIJІŃ. QazAqparat - Shanhaıda qazaqstandyq stýdentter QR Prezıdentiniń saılaýyn uıymdastyrý jáne ótkizýge atsalysatyn bastamashyl top qurdy.
Mundaı sheshim Shanhaı qalasyndaǵy QR Bas Konsýldyǵynyń konsýly, sondaı-aq QR BǴM «Halyqaralyq baǵdarlamalar ortalyǵynyń Azııadaǵy jáne Okeanııadaǵy ókiliniń qatysýymen Qytaıda Qazaqstan stýdentteri qaýymdastyǵy (KSAC) shanhaılyq bólimshesi belsendileriniń jınalysy barysynda qabyldandy.
«Qazaqstan jastary ult kóshbasshysy - Nursultan Ábishuly Nazarbaevtyń bastamasyn árqashanda turaqty qoldaıtyn bolady. Prezıdent «Qazaqstan 2050» strategııasyn, «Nurly jol» jańa baǵdarlamasyn iske asyrýda jastardyń rólin erekshe atap ótti», - dedi Qytaıdaǵy qazaqstandyq stýdentter qaýymdastyǵynyń shanhaılyq bólimshesiniń tóraǵasy, Shyǵys Qazaqstan pedagogıkalyq ýnıversıtetiniń magıstranty Jasdárýen Dáýkenov.
«Bolashaq» baǵdarlamasynyń stıpendıaty, Shanhaıdaǵy Týntszı ýnıversıtetiniń stýdenti Oljas Súleımenov N. Nazarbaevtyń kóregendiginiń arqasynda Qazaqstan jyldan-jylǵa jańa bıikterdi eńserip kele jatqandyǵyn atap ótti. «Memleket basshysy usynǵan bes ınstıtýtsıonaldyq reforma - bolashaqtaǵy el damýynyń kepili. Biz «Bolashaq» baǵdarlamasynyń stıpendıattary Prezıdenttiń saıasatyn qoldaımyz», - dedi ol.
