Qazaqstandyq stýdentter Reseıge tek ushaqpen bara alady

NUR-SULTAN. QazAqparat – Reseı Úkimetiniń sheshimimen Qazaqstan azamattarynyń bárine, sonyń ishinde ishki jáne orta oqý oryndarynda oqyp júrgenderge Reseıge ushaqpen ǵana kirýge ruqsat beriledi, dep habarlaıdy QazAqparat tilshisi QR Reseı Federatsııasyndaǵy Elshiligine silteme jasap.

Qurlyqtyq shekara arqyly burynǵy shekteýler, atap aıtqanda Reseıge osy jolmen kirýge áli de tyıym salynady.

Ushyp kelgen stýdent kóshi-qon kartasynda ózdigimen kelý maqsatyn «Oqý» dep kórsetýi kerek. Osynyń negizinde oqý orny kelý kezeńine baılanysty tirkeý qujatyn jasaıdy.

Qazaqstan Respýblıkasynyń Reseı Federatsııasyndaǵy Elshiligi Reseıge úshinshi el arqyly kirýge tek turýǵa yqtııarhaty bar azamattar kire alatynyn habarlaıdy. Eger QR azamaty Reseıge Qazaqstan arqyly emes, Túrkııa arqyly kirýdi jón dep sheshse, onda onyń Túrkııada turýǵa yqtııarhaty bolýy kerek.

«Eki el arasyndaǵy áýe reısterin Air Astana men Aeroflot kompanııalary jasaıdy. Áýe bıletteriniń baǵasy men ushaqtardyń ushý tártibin áýe kompanııalarynyń saıtynan bilýge bolady. Reseıge keletin azamattarda koronoavırýs boıynsha PTR-anyqtama bolýy (72 saǵatqa jaramdy) kerek», - delingen habarlamada.