Qazaqstandyq stýdentter Reseıden avtobýspen elge oralýda

MÁSKEÝ. QazAqparat – Reseıdiń Máskeý jáne Sankt-Peterbýrg qalalaryndaǵy joǵary oqý oryndarynda oqıtyn qazaqstandyq stýdentter elge oralýda. Bul týraly Qazaqstan Elshiliginen málim etti, dep habarlaıdy QazAqparat.

21 sáýir kúni tańerteń Máskeýdegi QR Elshiligi ǵımaratynyń aldynan bes avtobýs jolǵa shyqty. Koronavırýs pandemııasyna baılanysty halyqaralyq reısterge shekteý engizilmeı turyp Reseıden shyǵyp úlgermegen 250-den astam qazaqstandyq stýdent elge oralady.

«Avtobýsqa otyrǵyzylmas buryn barlyǵynyń dene qyzýy ólshendi. Jol qozǵalysy qaýipsizdigi memlekettik ınspektsııasynyń jáne RF-daǵy Qazaqstan Elshiliginiń qyzmetkerleriniń ilesýimen, barlyq sanıtarlyq talaptar saqtala otyryp, avtobýstar qazaq-reseı shekarasyna qaraı bet aldy. Odan ótkennen keıin Orsk jáne Álimbet ótkizý beketterinde jastardy Aqtóbe oblysy ákimdiginiń ókilderi kútip alady. Barlyǵynan koronavırýsqa test alynatyn bolady», - delingen málimette.