Qazaqstandyq stýdentter koronavırýspen kúreste kómek kórsetýde
NUR-SULTAN. QazAqparat - Elordalyq medıtsına qyzmetkerleri, juqpaly aýrýlar kafedrasynyń oqytýshylary jáne Astana medıtsına ýnıversıtetiniń stýdentteri koronavırýstyq ınfektsııamen kúresýde kúsh biriktirdi, dep habarlaıdy QazAqparat.
Rezıdentter aqpannan bastap qazirgi ýaqytqa deıin Nur-Sultan ákimdiginiń kópsalaly medıtsınalyq ortalyǵynda uıymdastyrylǵan oqshaýlaý bóliminde jumys istep jatyr. Olar táýlik boıy COVID-19 dıagnozyn juqtyryp alǵan bolýy múmkin turǵyndardy qabyldap, olarǵa jańa vırýs týraly túsindirýde.
«Juqpaly aýrýlar kafedrasynyń rezıdentteri 1406 nómiri arqyly baılanysýǵa bolatyn call-ortalyǵy jumysyna da tartylǵan. 6 jáne 7 kýrsta oqıtyn rezıdentter men ınternder Nur-Sultan qalasyndaǵy kopsalaly medıtsınalyq ortalyqta naýqastarǵa keńes berý, epıdemııaǵa qarsy sharalardy uıymdstyrý sııaqty jumystar atqarýda», - delingen QR Densaýlyq saqtaý mınıstrliginiń Tsıfrlandyrý keńsesiniń baspasóz habarlamasynda.
Sondaı-aq, elordadaǵy medıtsınalyq joǵary oqý ornynda oqıtyn 30 stýdent karantındik statsıonar bolyp jabdyqtalǵan Ramada Plaza qonaq úıinde kornavırýstyń taralýyn toqtatý boıynsha jumys júrgizýge nıet bildirgn.
«Jalpy alǵanda 31 mamandyq boıynsha 500 rezıdent jáne Qazaqstan aımaqtaryndaǵy 50 rezıdent qazirgi ýaqytta medıtsınalyq qyzmetshilermen birge vırýstyń taralý qaýpin toqtatý úshin qoldan kelgenniń bárin istep jatyr», - delingen baspasóz habarlamasynda.
