Qazaqstandyq stýdentter ІT tehnologııa salasy boıynsha halyqaralyq sertıfıkat alady
ALMATY. 2 maýsym. QazAqparat /Erbol Azanbek/ - Búgin Almatyda ІT salasy boıynsha bilim alýshy stýdentterdi álemge belgili Carnegie Mellon (iCarnegie, USA) ýnıversıtetiniń mamandary sertıfıkattaýdan ótkizedi.
Atalǵan sertıfıkattaý - bolashaq ІT sala mamandaryn álemdik deńgeıge saı daıyndaý, qazaqstandyq bilim salasyn álemdik bilim deńgeıin jaqyndatý maqsatynda júzege asyrylyp otyr. iCarnegie sertıfıkaty búkil álemde moıyndalǵan. Onyń ıegerleri álemniń kez kelgen memleketinde ІT salasy boıynsha qyzmet isteı alady. Búgingi sertıfıkattaý qorytyndysy boıynsha qazaqstandyq stýdentter de alǵash ret osy qundy qujatqa qol jetkizbek.
iCarnegie, Carnegie Mellon (USA, Pittsburgh) ókilderin Qazaqstanǵa Halyqaralyq aqparattyq tehnologııalar ýnıversıteti shaqyryp otyr. Olardyń bul saladǵy áriptestigi 2009 jyldan bastalǵan. Búgingi shara barysynda sertıfıkatsııadan ótetin stýdentterdiń basym bóligi Halyqaralyq aqparattyq tehnologııalar ýnıversıtetiniń stýdentteri.
