Qazaqstandyq stýdentter halyqaralyq ІT olımpıadada úzdikter qataryna endi

ASTANA. QazAqparat – Qazaqstandyq stýdentter baǵdarlamalaý boıynsha ótken halyqaralyq olımpıadada úzdik 30 toptyń qaratyna endi. Bul týraly QazAqparat tilshisi Ǵylym jáne joǵary bilim mınıstrliginiń baspasóz qyzmetine silteme jasap habarlaıdy.

Mınıstrlik málimetinshe, el stýdentteri Dakkada (Bangladesh) ótken halyqaralyq olımpıadada 130 ýnıversıtettiń ishinen úzdik 30 toptyń qataryna kirgen.

«Bizdiń stýdentter eń iri stýdenttik IT olımpıadada tamasha nátıjeler kórsetti. Qazaqstandyqtar álemdegi eń myqty 30 komandanyń qataryna endi. Qatysýshylarymyzdy joǵary kórsetkishterimen quttyqtaımyn. Kelesi jyly qazaqstandyq stýdentter jańa bıikterdi baǵyndyra alatynyna senimdimin. Al biz ǵylym jáne joǵary bilim mınıstrligi retinde bolashaq chempıondarǵa jaǵdaı jasaý úshin bar kúshimizdi salamyz», - dep atap ótti Ǵylym jáne joǵary bilim mınıstri Saıasat Nurbek.

Aıta keteıik, ICPC halyqaralyq stýdenttik olımpıadasy 1977 jyldan bastap jyl saıyn ótkizilip keledi. Olımpıada komandalyq formatta ótedi. Oǵan bir oqý ornynan úsh stýdentten turatyn jalǵyz komanda qatysady.