Qazaqstandyq stýdentter Gonkongta Naýryz merekesin toılady

ÓSKEMEN. QazAqparat - Qazaqstandyq stýdentter dostarymen Gonkongta Naýryz meıramyn uıymdastyryp, qonaq retinde Qazaqstan Respýblıkasy konsýldyǵynyń qyzmetkerlerin, JOO-lardyń oqytýshylary men dostaryn shaqyrdy. Jastar shashý, kontserttik baǵdarlama daıyndap, dastarhan jaıdy.

Uıymdastyrýshylardyń qatarynda Nazarbaev zııatkerlik mektepteriniń túlekteri, sonyń ishinde ótken jyly Óskemende mektep támamdaǵan Janerke Toqtarova bar. Gonkong polıtehnıkalyq ýnıversıtetiniń stýdenti «Naýysqy» kúıin oryndap, «Kózimniń qarasy» jáne «Altynym» ánderin aıtqanda dombyramen áýenin oryndady.

Qonaqtar qazaq halqynyń mádenıetimen tanysyp, ulttyq taǵamdardan, sonyń ishinde Naýryz kójeden dám tatty.

Naýryz meıramyn stýdentter Gonkong polıtehnıkalyq ýnıversıtetiniń jataqhanalarynyń birinde ótkizdi. Janerke merekede túsirilgen fotolardy óziniń kýratory Gúlmıra Arystanbekke jibergen, dedi Óskemen q. hımııa-bıologııalyq baǵyttaǵy Nazarbaev zııatkerlik mektebiniń baspasóz hatshysy Roza Qumarǵajına.