Qazaqstandyq stýdentter baǵdarlamalaý boıynsha ASM dúnıejúzilik Olımpıadasynyń aqtyq saıysyna ótti
ALMATY. 8 jeltoqsan. QazAqparat - 2 jeltoqsan kúni Reseıdiń Sankt-Peterbor qalasynda ótken baǵdarlamalaý boıynsha ASM (Association of Computer Machinery) dúnıejúzilik Olımıadasynyń aqtyq týrnırinen qazaqstandyqtar oljaly oraldy.
Olar Reseı men Belarýs komandalaryn ǵana alǵa salyp, úzdik úshtikke endi. Endi qazaqstandyqtar bul shaharda 2013 jyldyń jazynda ótetin aqtyq saıysta el namysyn qorǵaıtyn bolady.
«Pıterde ótken saıysta biz TMD-nyń SPBITMO, MGÝ, SPBGÝ, Belarýs memlekettik ýnıversıteti sııaqty joǵary oqý oryndarymen básekege tústik. Onda óte jaqsy óner kórsetip, ASM-nyń ótken jylǵy jeńimpazdary Saratov memlekettik ýnıversıteti, IJGTÝ, MFTI-di artta qaldyryp, Ortalyq Azııadaǵy eń úzdik komanda degen beıresmı ataqqa ıe boldyq. Joǵary nátıjelerimiz eskerýsiz qalǵan joq, bizdiń komanda qatysýshylary «Sılıkonovoı jazyqtyǵyna», google-dyń negizin qalaýshylar qurǵan IMO.IM kompanııasyna jumysqa shaqyryldy» , deıdi Halyqaralyq aqparattyq tehnologııalar ýnıversıteti komandasynyń jattyqtyrýshysy Danabek Qalıajdarov.
Onyń aıtýynsha Qazaqstan óz táýelsizdigin jarııalaǵannan keıingi kezeńde osymen úshinshi ret baǵdarlamalaý boıynsha ASM dúnıejúzilik Olımpıadasynyń máresine shyǵyp otyr. ASM fınalyna Qazaqstannan Halyqaralyq aqparattyq tehnologııalar ýnıversıtetinen quramyna Mansur Qutybaev, Pavel Kovalenko men Aleksandr Bolshakov kirgen komandasy ótti. Olar múmkin bolǵan 12 eseptiń 8-in jyldam shyǵarǵan.
Jalpy ASM-ge qatysatyn komandalardyń quramy úsh adamnan kem bolmaýy qajet. Olımpıada týrlarynda árbir komandaǵa kompıýter jáne sharty aǵylshyn tilinde jazylǵan, segizden on ekige deıin esepter beriledi. Esepterdi shyǵarýǵa bes saǵattyq ýaqyt berilip, komandalar esepterdiń sheshimin S, C++ nemese JAVA baǵdarlamalaý tilderinde jazyp, testileý serverine jiberedi.
Baǵdarlamalar qatysýshylarǵa tanys emes úlken kólemdi kirme testilerde tekseriledi. Eger baǵdarlama jaýabyn «durys emes» nemese «ýaqyt pen este saqtaý shekteýlerine saı kelmegen» degen jaǵdaılarda, komanda esepterine túzetýler engizip, qaıta jiberýlerine bolady. Eger baǵdarlama barlyq testilerde «durys» degen jaýap alsa, esep sheshilgen bolyp esepteledi. Basqa olımpıadalarǵa qaraǵanda, esepterdiń jartylaı sheshilgenderi esepke alynbaıdy. Eger birneshe komanda esepterdiń birdeı sanyn shyǵarsa, olardyń reıtıngidegi jaǵdaıy aıyp ýaqytymen anyqtalady. Informatıka boıynsha basqa olımpıadalardan ASM Olımpıadasynyń aıyrmashylyǵy - óte kúrdeli esepterdi shyǵarýǵa shekteýli ýaqyt beriletindiginde. ASM birneshe kezeńdermen ótedi. Birinshi kezekte, olımpıadanyń qorytyndy kezeńine ótetin qatysýshylardy aıqyndaıtyn, aımaqtyq olımpıadalar ótkiziledi. Aımaqtyq olımpıadalarǵa bir ýnıversıtet atynan birneshe komandalardyń shyǵýyna bolady, biraq qorytyndy saıysqa bir ýnıversıtetten bir ǵana komanda qatysady.
