Qazaqstandyq stýdentter AQSh-ta «Metıý» daýylyna kezigip qaldy
ASTANA. QazAqparat - Úsh qazaqstandyq azamat AQSh-tyń Florıda shtatynda «Metıý» daýylynyń oshaǵynda qalyp qoıdy. Olardyń barlyǵy Nıý-Iorkte bilim alyp júrgen almatylyqtar, dep habarlaıdy QazAqparat.
Maıamıge stýdentter demalý úshin kelgen. Al, keri qaıtýǵa olarǵa daýyl kedergi bolǵan.
Daýyldyń sýretterin búgin «Habar» telearnasynyń redaktsııasyna tabıǵattyń dúleı kúshine tap bolǵan stýdentterdiń biri - Shyńǵys Qýantaev alyp keldi. Ol óziniń eki otandasymen birge Maıamı áýejaıynda bolǵandyǵyn aıtady. Ol jerde saıahatshylarǵa tamaq pen jatyn oryn daıyndap bergen.
Qazirgi tańda Atlantıka jaǵalaýlaryn mıllıondaǵan adamdar tastap ketip jatyr. AQSh-tyń daýyldardy boljaý ortalyǵy daýyldyń saldarynan bıiktigi 5 metr bolatyn tolqyndar kóterilýi múmkin ekendigin eskertken. Mundaı qýatty jel Florıda jaǵalaýlarynda 2004 jyldan beri bolmaǵan.
Qazaqstandyqtardyń sózinshe, olardy áýejaıdan shyǵarmaıdy. Barlyq reıster toqtatylǵan, joldar jabyq. Al, bizdiń jerlesterimiz qashan Nıý-Iorkke keri qaıtatyny belgisiz. Olar bizdiń elshilikten kómek suramaǵan. Óıkeni ázirge kómekti qajet etpeıdi.
