Qazaqstandyq stýdent reseılik jerseriginiń jumysyn 80 paıyzǵa joǵarylata alatyn joba oılap tapty
Eýrazııa ulttyq ýnıversıtetiniń stýdenti reseılik «Meteosat» jerserigin 80 paıyzǵa jetildirý boıynsha joba jasaqtap shyǵardy, dep habarlaıdy KTK .
«Ǵylymdaǵy jastar-2012» besinshi forýmynda uıymdastyrýshylar Marsel Muhambetovke atalmysh jumysy úshin medal men arnaıy dıplom tabys etti.
Almatyda ótip jatqan TMD elderi jas ǵalymdarynyń halyqaralyq forýmyna Reseı, Ýkraına, Belarýs, Armenııa, Qyrǵyzstan men Ózbekstannyń 200-ge jýyq jas ǵalymy jáne QR Tuńǵysh Prezıdenti qory baıqaýlarynyń jeńimpazdary men laýreattary qatysýda.
Degenmen nagradalar tek úzdikterge - eń qyzyqty jáne ózekti jobalardyń avtorlaryna berilýde.
Mysaly, Almatydaǵy tehnologııalyq ýnıversıtettiń stýdenti Nurshash Jeksenbaı qymyz jasaý tehnologııasynyń jańa ádisin oılap tapty. Endi budan bylaı qymyzdy sıyr sútinen de daıyndaýǵa bolady.
