Qazaqstandyq stýdent halyqaralyq beınerolıkter baıqaýynyń jeńimpazy atandy

SANKT-PETERBÝRG. QazAqparat - 17 jeltoqsanda Sankt-Peterbýrgten 10-22 jas aralyǵyndaǵy oqýshylar men stýdentter arasynda «Adam quqyqtary bizdiń kózimizben» atty halyqaralyq beınerolıkter baıqaýynyń onlaın kórsetilimi ótti, dep habarlaıdy QazAqparat QR Adam quqyqtary jónindegi ortalyqtyń baspasóz qyzmetine silteme jasap.

2020 jyly baıqaý alǵash ret halyqaralyq mártebege ıe boldy. Oǵan Belarýs Respýblıkasynan, Reseı Federatsııasynan, Qazaqstan Respýblıkasynan jáne

Qyrǵyz Respýblıkasynan 5 000-nan astam adamy qatysty.

Qatysýshylar sanynyń 2019 jylmen salystyrǵanda eki esege artýy baıqaý taqyrybynyń balalar men jastar arasynda ózekti ekendigin kórsetedi.

Qatysýshylar óz jumystaryn 1948 jylǵy 10 jeltoqsanda BUU Bas Assambleıasy qabyldaǵan adam quqyqtarynyń jalpyǵa ortaq deklaratsııasynyń erejelerine

arnady.

Qazirgi ýaqytta deklaratsııanyń erejeleri BUU-ǵa múshe memleketterdiń Konstıtýtsııalarynyń negizin quraıdy.

Beınerolıkterdiń kópshiligi jalpyǵa birdeı deklaratsııanyń 1, 3, 26-baptarynyń erejelerine, atap aıtqanda adamnyń bilim alý quqyǵyna (168 jumys), ómir súrý quqyǵyna, bostandyqqa jáne jeke basyna qol suqpaýshylyqqa (162 jumys), árkimniń óz abyroıy men quqyqtaryndaǵy erkindigi men teńdigine, baýyrlastyq

rýhyndaǵy bir-birine degen kózqarasyna (127 jumys) arnaldy.

Baıqaýdyń uıymdastyrýshylary men qazylar alqasynyń músheleri tikeleı efırde adam quqyqtary týraly túsken 1475 beınerolıktiń arasynan úzdik shyqqan 35-in jarııalady.

Halyqaralyq baıqaýdyń bas júldesin (Grand Prix) Qorqyt Ata atyndaǵy Qyzylorda ýnıversıtetiniń 1 kýrs stýdenti Azamat Ibragım ıelendi. Onyń beınerolıginiń taqyryby: «Ar-ojdan bostandyǵy jáne dinı senim». Onyń jumysynyń negizine ıÝrıı Levıtanskııdiń «Árkim ózi úshin tańdaıdy» óleńi arqaý bolǵan.

Azamat Ibragımniń beıne jumysy baıqaýǵa túsken 1475 jumystyń ishinde úzdik dep tanyldy.

Baıqaýdy uıymdastyrýshylar: P.G.Oldenbýrgskıı hanzada atyndaǵy Sankt-Peterbýrg quqyq ınstıtýty, Sankt-Peterbýrg memlekettik kıno jáne teledıdar ınstıtýty, «STRATEGIıA gýmanıtarlyq-saıasattaný ortalyǵy» óńiraralyq qoǵamdyq uıymy.

Qazaqstan Respýblıkasynyń Adam quqyqtary jónindegi ýákili, Nursultan Nazarbaev Qory, Qazaqstandaǵy TDM - 2030 qoǵamdyq ınstıtýty, Eýrazııa tehnologııalyq ýnıversıteti, Eurasian Center for Economic and Legal Research, #UNODC, Street Law Kazakhstan Sháıkenov oqýshylarynyń qaýymdastyǵy konkýrstyń seriktesteri boldy.

Baıqaýdy ótkizýdi Qazaqstan Respýblıkasy men Qyrǵyz Respýblıkasynyń Sankt-Peterbýrgtegi konsýldyqtary qoldady.