Qazaqstandyq stend atýshylar Italııadaǵy týrnırde jeńiske jetti
ASTANA. QazAqparat - Italııanyń Toddı qalasynda stend atýdan eki birdeı halyqaralyq týrnır ótip jatyr. 30 shildege deıin jalǵasatyn iri halyqaralyq týrnırde qazaqstandyq sportshylar jeńis tuǵyrynan kórindi dep jazady UOK saıty.
HH Sheikha Fatima Bind Mubarak Emirates GREEN CUP týrnırine 22 memleketten 170 sportshy qatysýda. Atalǵan synda dýbl-trap saıysy boıynsha qazaqstandyq Marııa Dmıtrıenko 1 oryn ıelendi.
Italian Open Green Cup Shotgun týrnırinde 15 memleketten kelgen mergender baq synaýda. Jastar arasyndaǵy dóńgelek stend atý synynda qazaqstandyq Aleksandr Muhamedıev kúmis júldeger atandy.
Al skıt baǵdarlamasy boıynsha fınalǵa shyqqan Aleksandr Eşenko saıysty 5-shi orynmen aıaqtady.
«Marııa Dmıtrıenko fınalǵa 6-shy orynmen shyqqan bolatyn. Al fınalda ol óz myqtylyǵyn dáleldep, altyn júldeger atandy. Bul biz úshin úlken qýanysh», - deıdi «Astana» kásibı sport klýbynyń menedjeri Andreı Mogılevskıı.
