Qazaqstandyq stend atýshylar BAÁ-de ótken Azııa chempıonatynda altyn júlde enshiledi
ASTANA. QazAqparat - 1-10 qarasha aralyǵynda Birikken Arab Ámirliginiń ál-Aın qalasynda stend atýdan IV Azııa chempıonaty ótti.
«Skıt» jattyǵýynda Angelına Mışýk (Shymkent q.) altyn júldege qol jetkizdi. Sondaı-aq komandalyq esepte de quramynda Angelına Mışýk (Shymkent q.), Elvıra Akchýrına (Shymkent q.), Jánııa Aıdarhanova (Almaty q.) bolǵan áıelder komandasy altyndy oljalady. Sonymen qatar «Trap» jattyǵýynda qyzdar arasynda atý sporty túrlerinen olımpıadalyq daıarlaý ortalyǵynyń tárbıelenýshisi, halyqaralyq dárejedegi sport sheberi Marııa Dmıtrıenko (Shymkent q.) kúmis medal jeńip aldy. Al erler arasynda komandalyq esepte almatylyq Aleksandr Eşenko qola medalǵa qol jetkizdi, dep habarlaıdy QR Mádenıet jáne sport mınıstrliginiń baspasóz qyzmetinen.
