Qazaqstandyq startapshylar Ońtústik-Shyǵys Azııa naryǵyna shyǵý múmkindigine ıe boldy
«Startap-jobalardy qoldaıtyn birden-bir sharany Quest Ventures sıngapýrlyq qory qurǵan bolatyn. Al búgingi shara osy úsh aılyq akselatorlyq baǵdarlamanyń aıaqtalýy bolyp eseptelinedi. Jalpy 200-den astam startap-kompanııalar jobalaryn usynǵan edi. Іrikteýden keıin 15 kompanııa qaldy. Al ekinshi kezeńde 10 kompanııa tańdap alyndy. Demek osy kompanııalar akseleratsııalyq baǵdarlamany bitiredi degen sóz. Sodan keıin olar sıngapýrlyq qordan tikeleı ınvestıtsııa alady. Ár kompanııa 50 myń dollardan alady jáne bul qarajatqa jobalaryn damytady. Sonymen qatar Sıngapýr arqyly Ońtústik-Shyǵys Azııa naryǵyna shyǵý múmkindigine ıe bolady. Kómek retinde Sıngapýr quziretinde kompanııa quryp, sol kompanııa arqyly Vetnam, Indonezııa, Fılıppın naryqtaryna shyǵý amaldaryn izdeıdi», - dedi shara aıasynda BAQ ókilderine suhbat bergen «Báıterek» UBH» AQ-nyń basqarýshy dırektory Ádil Nurǵojın.
»Báıterek« ókiliniń atap ótýinshe, akselatorlyq baǵdarlamany aıaqtap otyrǵan kompanııalardyń barlyǵyn da aǵylshyn tilin jetik meńgergen, tanystyrylym jasap, sheteldik ınvestorlarmen sóılese alatyn, ózge eldiń naryqtarynda da jumys isteı alatyn jastar qurǵan.
Sınapýrlyq qordyń 50 myń dollar kólemindegi ınvestıtsııasyna qol jetkizgen kompanııalardyń biri emtıhan tapsyrý kezinde stýdentter men oqýshylardyń alaıaqtyqqa barýyna jol bermeıtin «Aero» jobasyn usynyp otyr.
»Qazirgi ýaqytta emtıhan kezinde stýdentterdiń kópshiligi synaqty adal tapsyrǵysy kelmeıdi. Olar ınternetten kóshirip, dostarynan kómek suraıdy. Keıde óz ornyna basqa adamdy da kirgizedi. Bul stýdentti bilim alýǵa yntalandyrmaıdy. ıAǵnı, emtıhanǵa birneshe saǵat daıyndalǵannyń ornyna kóshire salǵandy jeńil kóredi. Máselen, qazir koronavırýs indeti jaǵdaıynda memleket mektepterdi, ýnıversıtetterdi sertıfıkattaý, sonymen qatar dárigerlerdi, muǵalimderdi, zańgerlerdi attestatsııadan ótkizý protsesterin onlaınǵa kóshirgen. Mine osyny durystap qadalaǵap otyrmasaq, birneshe jyldan keıin elimizde biliksiz mamandar armııasy paıda bolady. Dosym Mıras Sovetov ekeýimiz osy máseleni sheshetin «Aero» jobasyn qurdyq«, - dedi joba jetekshisi, Nazarbaev Ýnıversıtetiniń túlegi Marǵulan Ermek.
Onyń aıtýynsha, «Aero« emtıhandy onlaın rejımde ótkizýge kómek kórsetetin platforma sanalady. Joba avtomatty túrde stýdentti tanyp, emhıtan kezinde onyń jaýapty kóshirgen-kóshirmegendigin anyqtap bere alady.
