Qazaqstandyq spýtnıktik televıdenıeniń iske qosylýy aǵymdaǵy jyldyń jeltoqsan aıyna josparlanǵan - QR BAM
ASTANA. Tamyzdyń 2-si. QazAqparat - Qazaqstan óziniń spýtnıktik televıdenıesin aǵymdaǵy jyldyń jeltoqsan aıynda iske qosýdy josparlap otyr. Bul týraly QR Baılanys jáne aqparat mınıstri Asqar Jumaǵalıev óziniń veb-blogynda málimdep otyr.
«Qazir biz qazaqstandyq spýtnıktik televıdenıe qurý baǵytynda jumys istep jatyrmyz. Jeltoqsan aıynda ony iske qosýdy josparlaýdamyz. Meniń oıymsha, kópshilik buny baǵalaıdy. Reseılik te, qazaqstandyq ta arnalardy kórýge bolady», dep jazady A. Jumaǵalıev.
Sonymen qatar mınıstr elimizde spýtnıktik telearnalar antennalaryn shyǵarý ónirisiniń de jolǵa qoıylatyndyǵyn atap ótken. Onyń keltirgen derekterine qaraǵanda, qazirgi tańda Qazaqstanda spýtnıktik tabaqshalardyń sany mıllıonǵa jetip qalǵan.
