Qazaqstandyq sporttyq-bal bıinen Azııa chempıonatynda birinshi oryn aldy
BEIJІŃ-NÁNJIŃ. QazAqparat - 9 jasar qazaqstandyq Amıra Qabazıeva Qytaıdyń Nánjıń qalasynda ótken halyqaralyq chempıonatta sporttyq-bal bıi boıynsha Azııa Kýbogy aıasynda eń úzdik sportshy atandy, dep habarlaıdy Qytaıdaǵy «QazAqparat» HAA menshikti tilshisi.
Jarysqa eýropalyq (vals, kvıkstep, fokstrot) jáne latynamerıkalyq (samba, cha-cha-cha, rýmba, pasodobl, djaıv) baǵdarlamany usynǵan Qytaı, Reseı jáne Ońtústik-Shyǵys Azııa bı mektepteriniń 2500-den astam tárbıelenýshileri qatysty.
A.Qabazıeva latynamerıkalyq baǵdarlama (djaıv) aıasynda jeke oryndaýdan birinshi oryn jáne vals nomınatsııasy boıynsha juptyq oryndaýdan ekinshi oryn aldy.
Beıjińde ol eki jyldan beri sporttyq-bal bıi boıynsha eńbek sińirgen jattyqtyrýshy Marııa Pıanovanyń jetekshiligimen QHR-daǵy Reseı elshiligi janyndaǵy «Rýsskıı stıl» bı klýbynyń sektsııasyna qatysady. Buǵan deıin ol Qazaqstanda Alma Saǵadıevanyń basshylyǵyndaǵy «Kóbelek» ansamblinde shyǵys bıleri jáne álem halyqtarynyń bılerimen aınalysqan. 
