Qazaqstandyq sportshylardyń Olımpıadada medal almaýyna ne sebep
NUR-SULTAN. QazAqparat – Búginde Qytaıda Qysqy Olımpıada ótip jatyr. Ókinishke qaraı, Qazaqstannyń qorjynynda ázirge júlde joq. Osy oraıda Qazaqstannyń Ulttyq Olımpıada komıteti sport dırektsııasynyń dırektory Elsııar Qanaǵatov osy máselege qatysty mán-jaıdy túsindirip berdi, dep habarlaıdy QazAqparat tilshisi.
«Árıne, sportshylarymyzǵa patrıottyq sezim týraly únemi aıtyp otyramyz. Jalpy qysqy sport túrine kelsek, bizde 2 keshen bar. Biri Almatyda, ekinshisi Şýchınskide. Jalpy aıtqanda, qysqy sport túri men ár alańnyń ózindik qyr-syry bar. ıAǵnı sportshy sol jerge baryp daıyndalmasa bolmaıdy. Demek otandyq sportshylar shetelge jıi shyǵyp, daıyndalýy tıis», - dedi Elsııar Qanaǵatov Beıjińnen tikeleı efırde ótken baspasóz máslıhatynda.
Onyń aıtýynsha, Beıjiń olımpıadasynan keıin ulttyq quramanyń óner kórsetýine qatysty qorytyndy jasalady.
«Qysqy olımpıadaǵa 91 memleket qatysyp otyr. Sonyń ishinde bizdiń memleket aıtarlyqtaı nátıje kórsetýde. Aıtar bolsaq, frıstaıldan qyzdarymyz qandaı sekirýler jasady. Ony ózderińiz kórdińizder», - deıdi ol.
Aıta ketsek, buǵan deıin QR Ulttyq olımpıada komıteti sport dırektsııasynyń dırektory Elsııar Qanaǵatov Qazaqstanda sport salasy boıynsha ǵylymı zertteý ınstıtýtyn qurý kerektigin usynǵan edi.
Odan bólek, Beıjiń Olımpıadasynda short-trekten 500 metrlik qashyqtyqta tórtinshi orynǵa ıe bolǵan jerlesimiz Abzal Ájiǵalıev jarystan keıingi áserimen bólisken edi.
