Qazaqstandyq sportshylardan ánurandy bilý talap etiletin bolady - Sport jáne dene shynyqtyrý agenttigi
ASTANA. 28 naýryz. QazAqparat - Qazaqstandyq sportshylardan memlekettik ánurandy bilý talap etiletin bolady.
Bul týraly búgin tilshilerge QR Sport jáne dene shynyqtyrý isteri agenttigi basshysynyń orynbasary Elsııar Qanaǵatov málim etti.
«Qazir QR Sport jáne dene shynyqtyrý isteri agenttigi sporttyq sharalardy uıymdastyrý kezinde memlekettik sımvoldardy qoldaný erejelerin jasaqtady. Qazirgi ýaqytta ol Mádenıet jáne aqparat mınıstrligimen kelisildi. Al jaqyn arada el Úkimetimen bekitiledi dep kútilýde. Onda respýblıkalyq jáne halyqaralyq jarystarda sportshylarymyzdyń barlyq is-qımyldary belgilengen», - dep atap kórsetti ol.
«Ulttyq shtabtyq komandalar tarapynan árbir sportshyǵa, árbir komandaǵa ánurannyń sózi jazylǵan ádistemelik quraldar berildi. Olımpıadalyq oıyndarǵa qatysýdyń aldynda biz ár sportshyny ánurandy bilýge mindettep, ony qadaǵalaımyz», - dedi E. Qanaǵatov.
Bul sheshim Kýveıtte «Borat ánurany» oqıǵasynan keıin qolǵa alyna bastady.
Esterińizge sala keteıik, chempıonatta qazaq sportshysy Marııa Dmıtrıenkony marapattaý kezinde Qazaqstannyń ánuranynyń ornyna amerıkandyq «Borat» fılmindegi án qoıylǵan edi. Osydan keıin Qazaqstan taraby uıymdastyrýshylarǵa shaǵym túsirdi.
