Qazaqstandyq sportshylar jaǵajaı voleıbolynan kezeńdik «Úlken dýlyǵa» jarysyna qatysady
ALMATY. 31 mamyr. QazAqparat /Erlik Erjanuly/ - Jaǵajaı voleıbolynan 7-11 maýsym kúnderi Qytaıdyń Beıjiń qalasynda kezeńdik «Úlken dýlyǵa» jarysy ótedi.
Onda el namysyn erler arasynda Aleksandr Dıachenko men Alekseı Sıdorenko qorǵaıdy. Qazir olar Denıs Rovkınniń jetekshiligimen Italııada oqý-jattyǵý jıynyn ótkizip jatyr. Álemniń reıtıngtegi úzdik 56 jup qatysatyn bul dúbirli dodada áıelder arasynda ulttyq quramanyń úzdigi Tatıana Mashkova men Irına Tsımbalova da baq synamaq. Olar bul baıraqty básekege bıyl alǵash ret qatysqaly otyr.
