Qazaqstandyq sportshylar jaǵajaı voleıbolynan Azııa chempıonatynda júldeger boldy

NUR-SULTAN. QazAqparat - Taılandta jas qyzdar men uldar arasynda jaǵajaı voleıbolynan Azııa chempıonaty máresine jetti, dep habarlaıdy QazAqparat.

Ulttyq olımpıada komıteti 19 jasqa deıingi jastar arasynda ótken qurlyqtyq básekedegi qazaqstandyq sportshylar nátıjesin usyndy.

Jastar arasyndaǵy básekege Qazaqstan atynan tórt jup qatysty.

Áıelder arasynda Laýra Kabýlbekova jáne Nadejda Ivanchenko, Aısulý Muhtarqyzy jáne Ásemaı Sabanbaeva, al erler arasynda Darhan Amanjolov pen Damır Lapov, Aleksandr Ketıladze jáne Aleksandr Ismaılov juby baq synady.

Jaǵajaı oıynshylarynyń tandemi Darhan Amanjolov pen Damır Lapov halyqaralyq deńgeıdegi jarysta kózge tústi.

3-oryn úshin ótken básekede qazaqstandyq jup taılandyq sportshylardan tehnıkalyq jeńispen basym túsip, qola júldeger atandy.