Qazaqstandyq sportshylar jabyq keshendegi ІІІ Azııa oıyndarynda beıresmı komandalyq esepte úzdik úshtiktiń qatarynan oryn tepti
Y. Qarashanyń 9-y. QazAqparat /Erlik Erjanuly/ - Keshe Vetnamnyń Hanoı qalasynda jalaýyn túsirgen jabyq keshendegi ІІІ Azııa oıyndarynda qazaqstandyq sportshylar 21 altyn, 16 kúmis jáne 21 qola medal jeńip aldy,
dep habarlaıdy QazAqparat Shtattaǵy ulttyq komandalar jáne sport rezervi dırektsııasynyń baspasóz qyzmetine silteme jasap.
Qazannyń 30-y kúni bastalǵan bul baıraqty básekege Azııanyń 45 elinen komandalar qatysqan bolatyn. Onda el namysyn sporttyń 11 túri boıynsha 83 sportshy qorǵady. Beıresmı komandalyq esepte 48 altyn, 30 kúmis jáne 22 qola medalmen Qytaı eli úzdik shyqty. Olardan 5 kúmis, 3 qola medali artyq bolǵanymen 2 altyny kem shyqqan jarys qojaıyndary ekinshi orynǵa ıe boldy. Al ózderi qatysqan 11 sport túriniń 10-da jalpy jıyny 58 medal oljalaǵan Qazaqstan quramasy úzdik úshtikti túıindedi.
Kórshiles elderden jarys kestesinde ózbekstandyqtar 5 altyn, 9 kúmis, 10 qolamen - 10-shy, tájikstandyqtar 1 kúmispen - 31-shi, qyrǵyzstandyqtar 1 qolamen 32-shi orynǵa taban tiredi.
El qorjynyna Oleg Vagızov jattyqtyratyn júzgishter 10 altyn, 9 kúmis, 8 qola, al Vıacheslav Sokırkodan tálim alǵan jeńil atletter 6 altyn, 4 kúmis, 3 qola medal saldy. Olardyń ishinde júzýden Vladıslav Polıakov pen Stanıslav Kýzmın úsh ret, Anastasııa Prılepa men uzyndyqqa sekirýshi Olga Rypakova eki ret jeńistiń eń joǵary tuǵyryna kóterilý baqytyna ıe boldy.
