Qazaqstandyq sportshylar UFC-de nátıjeli óner kórsetetin bolady – Damır Ysmaǵulov
NUR-SULTAN. QazAqparat – Qazaqstandyq sportshylar UFC-de nátıjeli óner kórsetetin bolady. Bul týraly Ortalyq kommýnıkatsııalar qyzmetindegi baspasóz máslıhatynda qazaq sportshysy Damır Ysmaǵulov aıtty, dep habarlaıdy QazAqparat tilshisi.
«Halyqaralyq deńgeıdegi qazaq MMA ókili retinde aralas jekpe-jektiń qazirgi ýaqytta óte joǵary deńgeıde turǵanyn atap ótkim keledi. Qazaq sportshylarynyń UFC-men kelisimshartqa qol qoıatyn kezi jaqyndap keledi», - dedi ol.
Onyń paıymynsha, qazaqstandyqtar UFC jaıynda jan-jaqty bilýi qajet.
«Endigi ýaqytta UFC týrnırleri Qazaqstanda da kórsetile bastaıdy. Menińshe, bul óte mańyzdy oqıǵa. Adamdar osyndaı baısaldy promoýshn bar ekenin bilýi tıis. Bizdiń sportshylarymyz da oǵan ótip, laıyqty nátıje kórsetetinine senimdimin. Bul - jekpe-jek salasyndaǵy zor jetistik. Kúsh-jigerimizdi biriktirý arqyly sportshylarymyzdyń tanymaldyǵyn tek TMD elderinde ǵana emes, muhıttyń ar jaǵynda da arttyrý úshin olardy ilgeriletý qurylymyn jolǵa qoıa alatynymyzǵa senimdimin», - dedi Damır Ysmaǵulov.
Sonymen qatar ol Qazaqstanda UFC telearnasynyń iske qosylýyna qatysty da pikir bildirdi.
«Bul Qazaqstanda MMA-ny damytý úshin úlken kómek bolady dep oılaımyn. Qazaqstan atynan UFC-ge shyǵatyn jigitterge tek sáttilik tileımin!», - dedi tanymal sportshy.
