Qazaqstandyq sportshylar taǵy qandaı iri jarystarǵa qatysady
NUR-SULTAN. QazAqparat - Beıjińdegi qysqy Olımpıada oıyndary máresine jetti. Alaıda, qysqy maýsym tolyqtaı aıaqtalǵan joq. Aqpan-naýryz aılarynda da sportshylar birqatar básekelerge qatysady, dep habarlaıdy QazAqparat Olympic.kz saıtyna silteme jasap.
Búgin Norvegııada shańǵy sportynan jastar arasyndaǵy álem birinshiligi bastalady. Beıjińde kózge túsken jastardyń kóbisi tikeleı álemdik dodaǵa attanbaq.
Atalǵan synǵa Qazaqstan atynan jas sportshylar qatysady.
Konkımen júgirýden Qazaqstan komandasyn taǵy da úlken synaqtar kútip tur. 3 naýryz kúni AQSh-tyń Hamar qalasynda álem chempıonaty ótedi. Nadejda Morozova bastaǵan sportshylar taǵy da óz kúshin baıqap kórmek.
18 -20 naýryz aralyǵynda short-trekshiler Kanadanyń Monreal qalasynda bas qosady. Munda kezekti álem birinshiligi ótpekshi. Álem kýbogi men Olımpıada qorytyndysyna qarap, bizdiń sportshylardyń júldege talasatyn múmkindigi baryn baıqaımyz.
Qysqy sport túrlerinen qazaqstandyq sportshylar álem kýbogi kezeńderinde de baq synaıdy. 26-27 aqpan kúnderi Reseıdiń ıAroslavl qalasynda shańǵy akrobatıkasynan álem kýbogi kezeńi ótedi. Al mogýlshylar Japonııaǵa attanady. Bul kúnderi kezekti álemdik doda bastalady.
Sondaı-aq, shańǵymen jarysý, shańǵymen tuǵyrdan sekirý jáne shańǵy qossaıysynan sportshylardy halyqaralyq jarystar kútýde.
