Qazaqstandyq sportshylar Qatar Open-2015 jarysynda eki qola jeńip aldy
ASTANA. QazAqparat - Katar astanasy Dohada taekvondodan Qatar Open jarysy aıaqtaldy. Bul synǵa Qazaqstannan 9 sportshy qatysyp, eki qola jeńip aldy, dep habarlaıdy alaman.kz.
Inchhondaǵy Azııa oıyndarynyń kúmis júldegeri Nursultan Mamaev Katardaǵy jarysta 58 kelide qola júlde ıelendi. Mamaevpen birge taılandtyq Nathavee Klompong ta qola aldy. Al fınalda koreıalyq Taı Mýn Cha frantsýz Dılan Chelamotony jeńdi.
Qyzdar arasynda 46 kelide Jazıra Saparbek te qola medal enshiledi. Bul salmaqta frantsııalyq Hadjer Mýstafa - altyn, kanadalyq Ivetta Iong kúmis ıelendi. Taǵy bir qolany nıgerııalyq Jozefını Esýký aldy.
