Qazaqstandyq sportshylar paýerlıftıngten Álem chempıonatynda 6 altyn, 3 kúmis pen 2 qol medal ıelendi

Osylaısha muhıttyń ar jaǵyna el senimin artyp barǵan sportshylarymyzdyń eshqaısysy da júldesiz oralǵan joq. Atap aıtqanda, Sergeı Rýbtsov 3 «altyn», Erlan Álkeev 3 «altyn» jáne 1 «kúmis» enshiledi. Bul rette aıta keterligi, Erlan osy jarys barysynda eki márte orta salmaqtaǵy úzdik sportshy atandy. Al  Alekseı Pısarevskıı 1 kúmis pen 1  qola, Ramız Mırzaev pen Elızaveta Mırzaeva qola medaldi qanjyǵasyna baılady.

Osy saıystarda jalpy komandalyq eseptegi birinshi orynǵa reseı men amerıkandyq atletter talasatyn bolady. Olardyń árqaısysynyń quramynda shamamen 100-ge jýyq sportshy bar.

Qazaqstan sportshylarynyń mundaı jetistigine tańdanysyn jasyrmaǵan Álemdik paýerlıftıng kongresiniń prezıdenti Maık Sýını osy jarystarda tórelik jasap, barynsha ádildik tanytqan Qazaqstan paýerlıftıng federatsııasynyń basshysy Maksım Bespaevqa zor alǵysyn bildirdi.