Qazaqstandyq sportshylar Marokkodaǵy Gran-prıde synǵa túsedi
ASTANA. QazAqparat - 9-11 naýryz kúnderi Marokkoda dzıýdodan alǵash ret álemdik Gran-prı kezeńderi ótedi, dep habarlaıdy QazAqparat.
QR Dzıýdo federatsııasynyń taratqan málimetine súıensek, eki kúnge sozylatyn jarysqa 43 elden 284 dzıýdoshy qatyspaq. Olardyń qatarynda Qazaqstannyń erler quramasy da bar.
Atalǵan dodada elimizden 13 tatamı sheberi baqtaryn synaıdy.
Atap ótsek, 60 keli salmaqta eki otandasymyz Ǵusman Qyrǵyzbaev pen Maǵjan Shamshadın el namysyn qorǵasa, 66 keli salmaqta Erlan Serikjanov pen Erlan Jaqsybekov synǵa túsedi. Al 73 keli salmaqta Bekádil Shaımerdenov pen Azamat Muqanov jarys kórigin qyzdyrmaq. Sondaı-aq, 81 keli salmaqta Dıdar Hamza synǵa tússe, 90 keli salmaqta Islam Bozbaev pen Daýlethan Jaqypovtyń ónerin tamashalaıtyn bolamyz.
100 kelige deıingi salmaqta Vıktor Demıanenko men Jasulan Muhamethanov óz sheberlikterin kórsetse, asa aýyr salmaqta Elaman Erǵalıev pen Sanjar Jabborov synǵa túsetin bolady.
