Qazaqstandyq sportshylar kóshpelilerdiń Búkilálemdik oıyndarynda 28 medaldi jeńip aldy
ShOLPAN-ATA. QazAqparat - Sholpan-Atada 9-14 qyrkúıek aralyǵynda ótken kóshpelilerdiń Búkilálemdik oıyndarynda qazaqstandyq sportshylar 12 altyn, 8 kúmis jáne 8 qola medaldardy jeńip aldy, dep habarlady bizdiń sport delegatsııasyn basqaryp barǵan QR Mádenıet jáne sport mınıstrliginiń ulttyq sport túrleri basqarmasynyń jetekshisi Maqsat Qoıshybaev.
12 altyn medaldyń 6-ýy - «qazaqsha kúresten», 3-ýi - «toǵyz korgooldan», 1-ýi - «qyrǵyz kúresinen» jáne 1-ýi 2400 metrlik at jarysynan.
8 kúmis medaldiń 4-ýi - «qazaqsha kúresten», bir-birden - «toǵyz korgool», «qyrǵyz kúresi», «qunan shabys» jáne «alaman báıge» oıyndarynan boldy.
Qalǵan 8 qola medaldiń 4-ýi «qyrǵyz kúresi», 2-ýi «Er enısh» (qazaqtyń aýdaryspaǵy sııaqty), bir-birden - «qazaqsha kúres» pen «alysh» (qyrǵyz kúresi) sport túrlerinen.
«Oıyndarǵa 18 shetel ókilderi qatysty, qazaqstandyq sport delegatsııasy 52 adamdy qurady», - dep atap ótti Maqsat Qoıshybaev.
Keshke atshabarda kóshpelilerdiń Búkilálemdik birinshi oıyndarynyń resmı jabylýy ótedi.
