Qazaqstandyq sportshylar iri halyqaralyq saıystarda 1 myńǵa jýyq medalǵa qol jetkizdi - Sport jáne dene shynyqtyrý isteri agenttigi
ASTANA. 9 shilde. QazAqparat - Qazaqstandyq sportshylar iri halyqaralyq jarystarda 1 myńǵa tarta metalǵa ıe boldy.
Bul týraly búgin Úkimet otyrysynda QR Sport jáne dene shynyqtyrý isteri agenttiginiń tóraǵasy Erlan Qojaǵapanov málim etti.
«Resmı sporttyq sharalarda, álem chempıonattarynda, álem kýbogtarynda, Azııa chempıonattarynda jáne halyqaralyq týrnırlerde utyp alǵan medaldardyń jalpy sany 1 myńǵa jýyqtady»,-dedi agenttik basshysy.
Budan bólek buqaralyq sportty damytý máselesine toqtalǵan ol, jyl saıyn elimizde ótkiziletin sporttyq sharlar sany artyp kele jatqandyǵyn atap ótti. Eger, 2011 jyly 17 myńǵa jýyq buqaralyq sporttyq shara ótkizilse, 2012 jyly 3,6 mln. adamnyń qatysýymen 18 myńnan astam is-shara uıymdastyryldy.
