Qazaqstandyq sportshylar dopıng daýyna ilindi
ASTANA. QazAqparat - Qazaqstannyń dopıngke qarsy ulttyq ortalyǵynyń resmı saıtynda tyıym salynǵan qospalardy qoldanǵany úshin shettetilgen sportshylardyń jańartylǵan tizimi jarııalandy, dep habarlaıdy QazAqparat.
Saıttyń málimetterine sáıkes, atalǵan tizimge jeti qazaqstandyq sportshy engen. Olardyń qatarynda veloshabandoz Vıktor Okıshev bar. Sportshynyń 2018 jyly jasalǵan taldaýynda tyıym salynǵan erıtropoetın preparaty tabyldy. Saldarynan Okıshev 2018 jylǵy 1 shildeden 2026 jylǵy 30 maýsymǵa deıin segiz jylǵa sporttan shettetildi.
Sondaı-aq, dopıng qabyldaǵan sportshylardyń tizimine Robert Karnaýhov (nandrolon, klomıfen), júzgish Rıat Jumaǵulov (metılgeksanamın, hıgenamın) jáne jeńil atletter Evgenııa Fondıýshına (sıbýtramın), Aleksandr Lıah (metılgeksanamın), Igor Kondratev (metılgeksanamın) jáne Veronıka Broslavskaıa (meldonıı) kirdi.
