Qazaqstandyq sportshylar Búkilálemdik qysqy arnaıy olımpıada oıyndarynda 10 altyn, 5 kúmis, 5 qola medal enshiledi
ALMATY. 5 aqpan. QazAqparat - Ońtústik Koreıanyń Phenchhan qalasynda 29 qańtar men 5 aqpan aralyǵynda Búkilálemdik qysqy arnaıy olımpıada oıyndary (Special Olympics World Games) ótti.
QR Sport jáne dene shynyqtyrý isteri agenttiginiń Ulttyq shtattyq komandalar jáne sport rezervi dırektsııasynyń habarlaýynsha, qazaqstandyqtar bul baıraqty básekege 7 sport túri boıynsha qatysqan bolatyn. 10 altyn, 5 kúmis, 5 qola medal oljalaǵan sportshylarymyzdy búgin túngi 21:55-te Almaty áýejaıynda kútip alady.
Eske sala ketsek, qazaqstandyq komanda byltyrǵy olımpıada oıyndarynda 10 altyn, 4 kúmis, 4 qola medal ıelengen bolatyn.
