Qazaqstandyq sportshylar bıyl qandaı álem chempıonattaryna qatysady
ASTANA. Qazaqparat - QR UOK ústimizdegi jyly olımpıadalyq sport túrlerinen ótetin álem chempıonattarynyń kúntizbesin jarııalady, dep habarlaıdy QazAqparat.
Bıyl qazaqstandyq sportshylardy jyldyń eń mańyzdy dodasy kútip tur. Ol - 18 qyrkúıek pen 2 qazan aralyǵynda ótetin Jazǵy Azııa oıyndary. Qurlyqtyń kishigirim Olımpıadasynda otandyq sportshylar qarqyndy daıyndyq jumystaryn ótkizip jatyr. Al sporttyq kúntizbede álemdik deńgeıdegi Kýboktik jarystardan bólek, bási joǵary álem chempıonattary da bar. Chempıondyq ataqqa talasatyn básekeler tizbegi de qazaqstandyq sportshylar úshin jyldyń basty jarysy bolyp sanalady.
Osy ótetin álem chempıonattarynyń kúntizbesi:
Semserlesýden álem chempıonaty
Ótetin orny: Ýsı, Qytaı
Ýaqyty: 19-27 shilde
Semserlesýden álem chempıonatynda 12 medaldar jıyntyǵy sarapqa salynady. Olardyń ishinde 6 baǵdarlama erlerge, 6 baǵdarlama áıelderge tıesili.
Voleıboldan erler arasyndaǵy álem chempıonaty
Ótetin orny: Italııanyń 6, Bolgarııanyń úsh qalasy: Rım, Florentsııa, Rýse, Barı, Varna, Assago, Týrın, Sofııa, Kazalekko dı Reno.
Ýaqyty: 9-30 qyrkúıek
Álem chempıonatyna 24 komanda qatysady. Ókinishke qaraı, Qazaqstannyń erler quramasy joldamasyz qaldy.
Voleıboldan áıelder arasyndaǵy álem chempıonaty
Ótetin orny: Japonııanyń 6 qalasy: Iokogama, Sapporo, Kobe, Hamamatsý, Nagoıa, Osaka.
Ýaqyty: 30 qyrkúıek - 21 qazan
Voleıboldan áıelder arasyndaǵy álem chempıonatyna jalpy esebi 24 komanda qatysady. Olardyń qatarynda Qazaqstan quramasy da bar. Bizdiń qurama jerebe boıynsha D tobynda óner kórsetedi.
Kúres túrlerinen álem chempıonaty
Ótetin orny: Býdapesht, Vengrııa
Ýaqyty: 22-28 qazan
Álem chempıonatynda erkin kúres, erkin stıldegi áıelder kúresi jáne grek-rım kúresinen jalpy esebi 24 júlde jıyny sarapqa salynady. Atalǵan synǵa Qazaqstan quramasynyń balýandary da qatysady.
Dzıýdodan álem chempıonaty
Ótetin orny: Baký, Ázerbaıjan
Ýaqyty: 20-27 qyrkúıek
Dzıýdodan álem chempıonaty jyl saıyn ótedi. Tek Olımpıada oıyndary ótetin jyly ǵana birinshilik ótkizilmeıdi. Bakýde 16 júldeler jıyntyǵy óz ıesin tappaq.
Karateden (WKF) álem chempıonaty
Ótetin orny: Madrıd, Ispanııa
Ýaqyty: 6-11 qarasha
Jaqynda ǵana Olımpıada baǵdarlamasyna engen karateden álem chempıonaty Madrıdtegi 15 myń adam sııatyn sport kesheninde ótedi. Tap osy chempıonatta Tokıo Olımpıadasyna joldama taratylady.
Aýyr atletıkadan álem chempıonaty
Ótetin orny: Ashhabad, Túrkmenstan
Ýaqyty: 1-10 qarasha
Ashhabadta erler arasynda 84-shi, áıelder arasynda 27-shi álem birinshiligi ótedi. Atalǵan doda Tokıo Olımpıadasyna joldama beretin alǵashqy jarys bolyp sanalady.
Kórkem gımnastıkadan álem chempıonaty
Ótetin orny: Sofııa, Bolgarııa
Ýaqyty: 10-16 qyrkúıek
Sporttyq gımnastıkadan álem chempıonaty
Ótetin orny: Doha, Katar
Ýaqyty: 12-28 qazan
Tas joldaǵy velosporttan álem chempıonaty
Ótetin orny: Insbýrk, Avstrııa
Ýaqyty: 12-30 qyrkúıek
