Qazaqstandyq sportshylar «Azııa jaýyngeri» halyqaralyq týrnıriniń jeńimpazy
ASTANA. QazAqparat - Qaraǵandynyń «Shahter» stadıonynda Nomad MMA federatsııasynyń «Azııa jaýyngeri» halyqaralyq týrnıri ótti.
Týrnırge Qazaqstan, Qyrǵyzstan, Tájikstan, Ózbekstan, Reseı jáne Ýkraınadan kelgen 500-ge jýyq sportshy qatysty.
Sharany Nomad MMA Dúnıejúzilik federatsııasy men Qazaqstan Respýblıkalyq jekpe-jek óneri odaǵy uıymdastyrdy.
Nomad MMA az ǵana ýaqytta Qazaqstanda ǵana emes, ózge de elderde jappaı sport túrine aınaldy. Búginde Dúnıejúzilik federatsııa quramynda 14 eldiń ókilderi bar.
Týrnır qorytyndysy boıynsha, jalpykomandalyq birinshi oryndy Qazaqstan sportshylary ıelendi. Ekinshi oryn - reseılik, úshinshi oryn ózbekstandyq qatysýshylarǵa buıyrdy.
