Qazaqstandyq sportshylar aralas jekpe-jekten Reseıde ótken halyqaralyq týrnırde 3 kúmis, 3 qola enshiledi
ALMATY. 1 shilde. QazAqparat - Reseıdiń Brıansk qalasynda 26-28 maýsym kúnderi aralas jekpe-jekten «Qalqan men qylysh» halyqaralyq týrnıri ótti.
Qyzmettik boryshyn óteý kezinde qaza tapqan arnaıy bólim qyzmetkerlerin eske túsirýge arnalǵan bul jarysta el namysyn «Profı-faıt» kásibı jaýyngerlik sporttyq djıý-djıtsý ulttyq federatsııasynyń sportshylary qorǵady. Federatsııa vıtse-prezıdenti Qanat Tileýmbetovtiń aıtýynsha, «Alfa» arnaıy bólimshesiniń basshylyǵy qazaqstandyq jaýyngerlerdiń daıyndyǵyna joǵary baǵa bergen. Onda Almaty, Taldyqorǵan, Pavlodar qalalarynyń qyz-jigitterinen quralǵan qazaqstandyqtar óz qorjynyna 6 medal salyp qaıtty. Atap aıtqanda, Aqjarqyn Baıturbaeva, Temirlan Aısadılov pen Sergeı Işýk - kúmis, Albına Jaqypova, Erjan Erdáýlet pen Dmıtrıı Mostovşıkov qola júldeger atandy.
