Qazaqstandyq sportshylar aralas jekpe-jekten Álem chempıonatyna qatysady
ALMATY. 28 tamyz. QazAqparat - "Alash Pride KZ" komandasynyń 5 sportshysy «Rings» nusqasyndaǵy MMA jekpe-jeginiń álemdik bas júldesine jáne «Zst» nusqasyndaǵy aralas jekpe-jektiń álemdik chempıonatyna qatysýǵa shaqyryldy.
Onda Bushido FC 47 nusqasyndaǵy aralas MMA jekpe-jegi boıynsha Álem chempıonatynyń jeńimpazy, kópshilikke «Naıman» degen búrkenshik atpen tanymal Qýat Hamıtov (70 kg) 19 qyrkúıekte Japonııanyń Tokıo qalasynda bolatyn «Zst» nusqasyndaǵy aralas MMA jekpe-jeginiń álemdik júldesine qatysatyn eń myqty segiz sportshynyń qataryna qosylatyn bolady. Onda kelesi kúni «Rings» nusqasyndaǵy aralas MMA jekpe-jegi boıynsha Álem chempıonatynda Qazaqstannan úsh sportshysy baq synaıdy. Olar «Alash Pride KZ» komandasynyń kapıtany «Arystan» degen búrkenshik aty bar Aslan Toqtarbaev (61 kg) jáne «Arlan» Erjan Estanov (66 kg) pen «Tomango» Asıf Tagıev (85 kg).
Aslan Toqtarbaev - "ISCP" nusqasyndaǵy kásibı pankratıonnan jáne Bushido FC (Qazaqstan, Almaty q.) nusqasyndaǵy MMA aralas jekpe-jeginiń qazirgi Álem chempıony. Onyń qarsylasy kásibı kıkboksıng boıynsha álem chempıony, «Zst» nusqasyndaǵy aralas MMA jekpe-jeginiń úsh dúrkin Álem chempıony japondyq Keısýkı Fýjıýara bolmaq. Erjan Estanov bolsa "ISCP" nusqasyndaǵy kásibı pankratıon boıynsha Álem chempıonatynyń aqtyq máresine shyqqan jáne «NOFC» nusqasyndaǵy aralas MMA jekpe-jegi bas júldesiniń jeńimpazy, Bushido FC 50 Álem chempıonatynyń jeńimpazy. Onyń qarsylasy erkin kúres boıynsha Japonııanyń 3 dúrkin chempıony, Sıdneıdegi jazǵy Olımpıada oıyndarynyń qatysýshysy (2000 j.), K-1 Hero's nusqasyndaǵy aralas MMA jekpe-jeginiń jáne «Dream» nusqasyndaǵy aralas MMA jekpe-jeginiń Álem chempıondary «kishkentaı Gerkýles» degen laqap aty bar Kazıýkı Mıata (Kazuyuki Miyata) bolǵaly otyr. Asıf Tagıev - K-1 boıynsha Azııa chempıony, Bushido FC 50 nusqasyndaǵy aralas MMA jekpe-jeginiń Álem chempıonatynyń jeńimpazy, Bushido FC 51 nusqasyndaǵy aralas MMA jekpe-jeginiń álemdik chempıonatynyń jeńimpazy. Ol sporttyq sambo boıynsha Japonııanyń 4 dúrkin chempıony, dzıýdo boıynsha Japonııanyń 2 dúrkin chempıony, "Martial Combat 10" qolma-qol urysy boıynsha jáne "Shooto" nusqasyndaǵy aralas MMA jekpe-jeginiń Álem chempıony, "Road FC" nusqasyndaǵy aralas MMA jekpe-jeginiń álemdik bas júldesiniń jáne "Dream nusqasyndaǵy aralas MMA jekpe-jeginiń álemdik bas júldesiniń jeńimpazy, "Dream" nusqasyndaǵy aralas MMA jekpe-jeginiń kásibı jarysynyń birneshe dúrkin jeńimpazy japondyq Shýngo Oıamamen (Shungo Oyama) kúsh synaspaq. Sondaı-aq Bushido FC 50 nusqasyndaǵy aralas MMA jekpe-jeginiń álemdik chempıonatynyń jeńimpazy, Bushido FC 51 aralas MMA jekpe-jeginiń álemdik chempıonatynyń jeńimpazy «Qazaq» Qaırat Ahmetov (57 kg) qarasha aıynda «Zst» nusqasyndaǵy aralas MMA jekpe-jeginiń Álem chempıonatyna qatysatyn bolady.
