Qazaqstandyq sportshy jas álemdik juldyzdardyń úzdik ondyǵyna endi
NUR-SULTAN. QazAqparat - Sportsmole.co.uk basylymy álemdik tennıstiń úzdik on jas juldyzynyń tizimin qurastyrdy. Oǵan qazaqstandyq tennısshi Elena Rybakına endi, dep habarlaıdy QazAqparat Sports.kz-ke silteme jasap.
«2019 jyly US Open tıtýlymen aıaqtaǵan Andreeský men 2020 jylǵy Rybakına arasynda aıtarlyqtaı aıyrmashylyq bar. Qazaqstannyń atynan óner kórsetetin 20 jastaǵy tennısshi ótken shildede alǵashqy júzdikke enip, bıyl 36-shy orynnan 17 pozıtsııaǵa kóterildi. WTA Tour tıtýlyn ıelendi jáne ótken aıda Dýbaıda Sofııa Kenın men Karolına Plıshkovany jeńip, úsh fınalǵa jetti», - delingen BAQ-ta.
Budan buryn habarlanǵandaı, Rybakına alǵash ret óz mansabynda álemdik reıtıngtiń TOP-20-syna kirip, tarıhı jetistikke qol jetkizdi.
