Qazaqstandyq sportshy Vladımır Kýznetsov - aýyr atletıkadan álem chempıonatynyń qola júldegeri
ASTANA. Qarashanyń 27-si. QazAqparat - Keshe qazaqstandyq sportshy Vladımır Kýznetsov Ońtústik Koreıanyń Goıang qalasynda ótip jatqan aýyr atletıkadan álem chempıonatynda el qorjynyna qola medal saldy,
dep habarlaıdy QazAqparat.
85 kelige deıingi salmaq dárejesinde óner kórsetken sportshy julqa kóterýden 170, al serpe kóterýden 206 kelini baǵyndyrǵan. Osylaısha eki saıystyń qorytyndysynda 376 keli kótergen V.Kýznetsov álem chempıonatynyń qola júldegeri atandy. Al bas júlde qytaılyq, ekinshi oryn belarýstyq sportshyǵa buıyrdy.
Aıta keteıik, osy álem chempıonatynyń barysynda qazaqstandyq sportshylar Maııa Maneza men Zúlfııa Chınshanlo el qorjynyna eki birdeı altyn medaldy salǵan bolatyn. Bir qyzyǵy osy chempıonattyń altyn medaldary ázirge Qytaı men Qazaqstan sportshylaryna ǵana buıyryp tur.
