Qazaqstandyq sportshy UFC-degi eki jekpe-jegi úshin 37 myń dollar aldy
NUR-SULTAN. QazAqparat – Qazaqstandyq sportshy Sergeı Morozovtyń (17-5) UFC-tegi eki aıqasy úshin qansha gonorar alǵany belgili boldy, dep habarlaıdy QazAqparat Sports.kz saıtyna silteme jasap.
Morozov promoýshndaǵy debıýtyn qańtarda jasady. Ol kezde ekinshi raýndta sabmınshmen reseılik Ýmar Nýrmagamedovten (13-0) jeńilip qalǵan. Bul jekpe-jegi úshin Morozov 13 500 dollar aldy (oktagonǵa shyqqany úshin 10 000 dollar, 3 500 dollar yntalandyrý bonýsy retinde).
Kúni keshe Morozov ekinshi ret jekpe-jekke shyqty. Bul joly ol tóreshilerdiń biraýyz sheshimimen nemis Halıda Tahany (13-4-1) jeńdi. Boksshynyń UFC-degi alǵashqy jeńisi oǵan kóbirek aqsha ákeldi – 24 000 dollar (alańǵa shyqqany úshin 20 000 dollar, 4 000 dollar yntalandyrý bonýsy retinde).
Osylaısha, UFC-degi eki aıqasy úshin Sergeı Morozov 37 500 dollar aldy.
