Qazaqstandyq sportshy stend atýdan Azııa chempıony atandy
ASTANA. QazAqparat - Kýveıtte oq jáne stend atýdan ótip jatqan Azııa chempıonatynda qazaqstandyq sportshy Aleksandr Mýhamedıev jasóspirimder arasynda chempıon atandy, dep habarlaıdy QazAqparat.
QR Ulttyq olımpıadalyq komıtetiniń baspasóz qyzmeti habarlaýynsha sportshy stend atýdyń skıt saıysynda óner kórsetip, jasóspirimder arasynda eń úzdik nátıje kórsetti.
Onyń aldynda eresekter arasynda Ásem Orynbaı dál osy skıtte kúmis medal jeńip alǵan edi.
Komandalyq jarysta Ásem Orynbaı, Olga Panarına jáne Angelına Mışýk qola júldege qol jetkizdi.
Jasóspirimder arasynda Zoıa Kravchenko úshinshi orynnan kórindi.
