Qazaqstandyq sportshy semserlesýden Azııa chempıonatynda «qola» aldy
ASTANA. QazAqparat - Qazaqstandyq sportshy qyz Sofıa Nıkolaıchýk semserlesýden 23 jasqa deıingi jastar arasyndaǵy Azııa chempıonatynda júldeli orynnan kórindi. Ol semsermen jekeleı synda qola medal ıelendi, dep habarlaıdy QazAqparat.
QR Ulttyq olımpıadalyq komıtetinen málim etkendeı, 16 jastaǵy sportshymyz medal úshin ózinen anaǵurlym joǵary jastaǵy qarsylastarmen synǵa túsken.
Aıta keteıik, Manılada ótip jatqan Azııa chempıonatynda Qazaqstan quramasy búginge deıin 5 medal ıelendi: úsh altyn, bir kúmis jáne bir qola.
