Qazaqstandyq sportshy Reseıde órtengen avtobýstan 50-ge jýyq jolaýshyny qutqardy
ASTANA. QazAqparat - Qazaqstandyq Erjan Ámirhanov janyp jatqan avtobýstan 50-ge jýyq jolaýshyny qutqardy. Bul týraly QazAqparat Vestı saıtyna silteme jasap habarlaıdy.
Basylymnyń jazýyna qaraǵanda, Semeıden Novosibirge ketip bara jatqan avtobýsta órt shyqqan. Osy kezde avtobýsta otyrǵan qazaqstandyq grek-rım kúresinen jattyqtyrýshy Ámirhanov avtobýs esigin buzyp ashyp, jolaýshylardy janyp jatqan avtobýstan shyǵarǵan. Qutqarǵandardyń ishinde balalar da bolǵan.
Jolaýshylardy qutqaryp júrgen kezde Erjan Ámirhanovtyń qujattary men aqshasy órtenip ketken. Qazaqstandyq Reseıge kólik satyp alý úshin bara jatqan.
Mıgratsııa basqarmasy qyzmetkerleri qazaqstandyq «batyrǵa» anyqtama berip, jeke qujatyn qalpyna keltirý úshin jedel kómek kórsetken.
Tasymaldaýshy fırmanyń dırektory Ámirhanovtyń ótemaqy alǵanyn jáne ózderine shaǵym jasamaǵanyn aıtty.
Jolaýshylar avtobýsynda órttiń neden shyqqany belgisiz.
