Qazaqstandyq sportshy nysana kózdeýden álem chempıonatynyń júldegeri atandy
ASTANA. QazAqparat - Qazaqstandyq sportshy Andreı Hýdıakov atý sportynan Ońtústik Koreıanyń Chhavon qalasynda ótip jatqan jasóspirimder arasyndaǵy álem chempıonatynda qola medal jeńip aldy, dep habarlaıdy QazAqparat tilshisi.
QR Ulttyq olımpıadalyq komıtetiniń habarlaýynsha, ol jyljylamy nysanany kózdeý saıysynda Reseı men Ýkraına sportshylarynan qalyp qoıdy.
«Bul meniń alǵashqy chempıonatym. Osynyń aldynda tek Chehııa Gran-Prı jarysyna qatysqan edim. Jarys joǵary deńgeıde, myqty sportshylar óte kóp. Kórsetken nátıjeme kóńilim tolady. Bul meniń jeke rekordym. Jarystyń alǵashqy jartysynda kósh bastap kele jatqan edim, ókinishke oraı ekinshi jartysynda qobaljý kesirin tıgizgen bolar, sál nashar óner kórsettim. Aldaǵy jarystarda qatelik jibermeýge tyrysamyn. Eńbek etip, jattyǵý jasaý kerek. Shynymdy aıtsam, júldeli oryn alamyn dep, medal, nátıje týraly oılamadym. Nátıjesinde álem chempıonatynda jeke rekordymdy ornatyp, úshinshi oryn aldym», - deıdi Andreı Hýdıakov.
Jarysqa Qazaqstannan 15 sportshy qatysty. Qyrkúıektiń 2 kúni jalaýy jelbiregen doda 15 qyrkúıekte máresine jetedi. Álem chempıonatyna 90 eldiń mergenderi qatysýda.
