Qazaqstandyq sportshy Nurmahan Tinálıev álem chempıonatynyń qorytyndysy boıynsha úzdik dep tanyldy
ASTANA. 16 qarasha. QazAqparat - FILA qyrkúıekte eresekter arasynda Býdapeshtte ótken grek-rım kúresinen álem chempıonatynyń qorytyndysyn jarııalady. Onyń nátıjesi boıynsha, qazaqstandyq sportshy Nurmahan Tinálıev úzdikterdiń qatarynda, dep habarlady Sports.kz.
Álemdik birinshiliktiń 120 kelige deıingi salmaq dárejesindegi kúmis júldegeri Nurmahan atalǵan salmaq boıynsha jeńimpaz Ámir Alıabkar men 74 keli salmaqta birinshi oryn alǵan ońtústikkoreıalyq Kım Hıýn Výdyń qatarynda qorǵanys mashyǵy boıynsha tizimde kósh bastady. Sonymen birge bizdiń jerlesimiz nátıjelilik boıynsha besinshi orynda.
