Qazaqstandyq sportshy Maıa Maneza álem birinshiliginde jańa rekord ornatty
Y. Qyrkúıektiń 21-i. QazAqparat /Erbol Turymbetov/ - Keshe Túrkııanyń Antalıa qalasynda ótip jatqan aýyr atletıkadan álem birinshiliginde Maıa Maneza álem rekordyn jańartyp, Qazaqstan qorjynyna tuńǵysh júlde - altyn alqa saldy, dep habarlaıdy QazAqparat.
63 keli salmaqta synǵa túsken otandasymyz julqa kóterýde 105 kelini kóterdi. Al serpe kóterýde ol 143 kelini baǵyndyryp, jańa álem rekordyn ornatty. Maneza jalpy esepte ózinen keıin turǵan qarsylasynan 7 keli ozyq shyqty. Onyń basty qarsylasy túrik qyzy Sıbel Sımsek julqa kóterýde Maıadan 6 keli artyq kótergen edi. Serpe kóterýde qazaqstandyq sportshyǵa ilese almaǵan ol kúmis júldeni qanaǵat tutty. Al qola júlde qytaılyq ıÝan Sıaofanǵa buıyrdy. Ol Sımsekpen birdeı kórsetkishke ıe bolǵanmen (241 keli), óz salmaǵynyń artyqtyǵy ony 3-shi orynǵa túsirdi.
Qazaqstandyq Maıa Maneza jańa rekordsmen bolýmen qatar, osymen ekinshi ret álem chempıony atanyp otyr.
