Qazaqstandyq sportshy «Máskeý túbindegi urys» erejesiz jekpe-jegine alǵash ret qatysady
ASTANA. 17 aqpan. QazAqparat - Qazaqstandyq jekpe-jek urysynyń ókili «Alash Praıd» klýbynyń beldi sportshysy ermek Tileýov «Máskeý túbindegi urys» atty tanympal reseılik týrnırge qatysýǵa daıyndalý ústinde. Ol osyndaı jarysqa birinshi bolyp qatysqaly otyrǵan qazaqstandyq sportshy.
Ermek Tileýovtiń qatysýymen ótetin bul jekpe-jekti «Reseı 2» telearnasy 23 aqpan kúni aAtana ýaqytymen 21:45-te kórsetetin bolady.
«Sports.kz» ınternet-portalyna bergen suhbatynda ol ózi týraly, sporttaǵy jetistikteri, «Alash Praıd» klýby, aldaǵy jekpe-jegi jaıynda syr bólisken.
Taraz qalasynyń týmasy on jyl grek-rım kúresimen aınalysty. Jasóspirimder arasynda Qazaqstan chempıony boldy. Qazir aralas jekpe-jek urys túrlerimen aınalysýda.
«Máskeý túbindegi urys» - bedeldi týrnır, oǵan Amerıka men Eýropanyń kúshti urys sheberleri qatysady. Reseılik jankúıerler ázirshe qazaqstandyq jekpe-jek sportshylaryn bilmeıdi. «Osy týrnırde óz ónerimdi ortaǵa salyp, bizdiń jerlesterimiz de osyndaı saıystarǵa túse alatynyn kórsetsem deımin», - dedi Ermek.
